Ko'p beriladigan savollar
Universitet litsenziyaga egami?
O'zbekiston Respublikasi Vazirlar mahkamasi huzuridagi Ta'lim sifatini nazorat qilish Davlat inspeksiyasi tomonidan berilgan nodavlat oliy ta'lim xizmatlarini ko'rsatish uchun 2022 yil 26 dekabrda №055482-sonli litsenziyaga asosan faoliyat ko'rsatadi.
Universitet diplomi O‘zbekistonda tan olinadimi?
Diplom to’liq tan olinadi, bitiruvchilarga davlat oliy ta’lim muassasasi bilan bir xil namunadagi diplom beriladi. O‘ZBEKISTON RESPUBLIKASI KONSTITUTSIYASIning 50-moddasiga muvofiq Davlat uzluksiz ta’lim tizimi, uning har xil turlari va shakllari, davlat va nodavlat ta’lim tashkilotlari rivojlanishini ta’minlaydi.
Universitet rektori kim?
Siyosiy fanlar bo‘yicha falsafa doktori(PhD) Mavlanov Shavkat Murtazayevich.
Universitet qaerda joylashgan?
Toshkent shahar, Chilonzor tumani, Cho‘pon ota MFY, Kichik xalqa yo‘li ko‘chasi 50-uy. Lokatsiya→
Kirish imtihonlari qaerda bo‘ladi?
Toshkent shahar, Chilonzor tumani, Cho‘pon ota MFY, Kichik xalqa yo‘li ko‘chasi 50-uyda – TITU o’quv binosida bo’lib o’tadi.
Qabul uchun qanday hujjatlar topshirish talab etiladi?
Umumiy o’rta ta’lim to’g’risidagi 11-sinf shahodatnomasi yoki litsey, kollej diplomi ilovalari bilan va shaxsni tasdiqlovchi xujjat (pasport) kerak bo’ladi.
Ro‘yxatdan o‘tish uchun yoki imtihon topshirishim uchun pul to‘laymanmi?
Mutlaqo bepul, barcha o`qishni istagan abiturientlar to‘g‘ridan - to‘g‘ri universitetga kelib, yoki onlayn tarzda hujjatlarni topshirishlari mumkin.
Ta’lim shakllari:
Kunduzgi, kechki va sirtqi ta’lim shaklida o’qitiladi.
Kirish imtihonlari qachon bo`ladi?
Universitet Nizomiga muvofiq amalga oshiriladi. Imtihon kunlari to’g’risida universitet rasmiy sahifalarida e'lon qilinib boriladi.
Kirish imtihonlarining javoblari qachon e’lon qilinadi?
Universitetda imtihon topshirilgan kunning o’zidayoq e’lon qilinadi, test sinovlaridan muvaffaqiyatli o’tgan abiturientlar shartnoma rasmiylashtirib olib ketsa bo’ladi.
Kontrakt pulini qachongacha to‘lash kerak?
Kontrakt puli 15-sentyabrgacha 50% to‘lanishi kerak.
Shartnoma hujjatlarini qaerdan olaman?
Shartnomani universitetga kelib, abiturientlarning o`zlari olib ketishlari mumkin, yoki uzoq hududda istiqomad qiluvchi abiturientlarga shartnoma elektron tarzda yetkazib beriladi.
O`qish qachondan boshlanadi?
O’quv yili 2023-yil sentyabr oyidan boshlanadi.
Boshlangich ta’lim yo‘nalishiga qabul qanday tartibda amalga oshiriladi?
O‘zbekiston Respublikasi Prezidentining 2022 yil 21 iyundagi PQ-289-sonli qaroriga asosan 2023-2024 o‘quv yili qabulidan boshlab Toshkent iqtisodiyot va texnologiyalari universiteti “Boshlang‘ich ta’lim” yo‘nalishi sirtqi ta’lim shakliga
5 yillik mehnat faoliyati staji talab etiladi. Kunduzgi va kechki ta’lim shakliga barcha abiturientlar topshirish imkoniyatiga ega.
O‘qishga kirgandan keyin, yo‘nalish yoki ta’lim shaklini o‘zgartirsa bo‘ladimi?
Albatta bo’ladi: Ikkinchi kursdan yo'nalishni fakultet ichida o'zgartirish imkoniyati mavjud, bunda belgilangan tartibda talablarga mos kelishi va guruhda joy bo'lgan taqdirda amalga oshiriladi. Yo'nalish va ta’lim shaklini o’zgartirish qonunchilikda belgilangan tartibda amalga oshiriladi.
To‘lov-kontraktni bo‘lib to‘lash mumkinmi?
Albatta mumkin, Shartnoma shartlarining 3.1. bandda ko`rsatilgan to’lov miqdorini kamida 50 foiznini kontrakt imzolangan sanadan boshlab qolgan qismini ikkiga bo’lib to’lash mumkun.
Ta`lim kreditini olsa bo`ladimi?
O'zbekiston Respublikasi Prezidentining 2022-yil 18-iyuldagi PQ-323-son qarori hamda O'zbekiston Respublikasi Vazirlar Mahkamasining 2021-yil 18-avgustdagi
№527- sonli qarori asosida ta'lim kredi olish mumkin.
Ushbu masala yuzasidan banklarga murojaat qilishingiz mumkin.
O‘qish uchun to’lov-shartnoma miqdori necha so’mni tashkil etadi?
1-kursdan keyin davlat OTM lariga o’qishni ko’chirish (perevod) qilsa bo‘ladimi?
Bo’ladi, qonunda belgilangan tartibda o’qishni ko’chirish (perevod) mumkin.
Sirtqi ta’lim nima degani?
Ta'lim texnologiyalarini qo'llagan holda va ish joyidan ajramagan holatda olib boriladigan ta'lim shakli.
Universitet nodavlatmi?
Toshkent iqtisodiyot va texnologiyalari universiteti oliy ta’lim faoliyati bilan shug’ullanuvchi nodavlat ta’lim muassasasi hisoblanadi.
DTM ballari bilan o`qishga kirsa bo`ladimi?
2023-2024 o’quv yili uchun DTMdan 56 balldan yuqori ball to’plagan abiturientlar sinov imtihonlarisiz qabul qilinadi.
O‘qishga bu yil 11-sinf yoki litseyni tugatayotganlar kirsa bo‘ladimi?
Albatta topshirishlari mumkun, faqat Boshlang‘ich ta’lim yo‘nalishi sirtqi ta’lim shakliga 11 sinf bitiruvchilari topshira olishmaydi. (O‘zbekiston Respublikasi Prezidentining 2022 yil 21 iyundagi PQ-289-sonli qaroriga asosan 2023-2024 o‘quv yili qabulidan boshlab Toshkent iqtisodiyot va texnologiyalari universiteti Boshlang‘ich ta’lim yo‘nalishi sirtqi ta’lim shakliga 5 yillik pedagogik ish staji talab etiladi)
Kvotalar bormi? Yo‘nalishlar, tillar, o‘qish shakli bo‘yicha kvotalar nechta?
Kvotalar chegaralangan, qabul qilinadigan talabalar soni haqida qaror universitet tomonidan qabul qilinadi.
O‘quv dasturlari nimaga asoslangan?
Davlat ta’lim standartlari va o‘quv rejaga asoslanadi.
O‘quv jarayoni kredit-modul tizimiga asoslanganmi?
Kredit-modul tizimiga asoslangan.
Universitet HEMIS platformasiga ulanganmi?
Universitet to’liq Oliy ta’lim standartlari asosida faoliyat olib boradi. (HEMIS platformasiga ulangan)